ఇంద్రజాలం

నీ తలపుతో నా మనసులో మొదలయిందొక ఇంద్రజాలమే...
నీ కదలికే నా గుండెలో నింపుతుందట కొత్త ప్రాణమే...
నీ రాకకై నా లోకమే వేచుందిలే వేయి కన్నులై...
నీ ఊహతో నా ఊపిరే ముడిపడిందిలే పేగు బంధమై...

ఇంత ప్రేముందా లోలో అని నమ్మగలిగేలా...
నువ్వు చేరావా నాలో నేనమ్మనయ్యేలా...
కంటి పాపల్లో నిన్నే కాచుకుంటాగా..
నీ తేనె నవ్వుల్లో నన్నే చూసుకుంటాగా...

నువ్వు తడబడితే...కంట నీరు పెడితే...
నేను నిన్ను హద్దుకుని సర్దిచెప్పనా...
నువ్వు పొరబడితే...మాట కరుకయితే...
నీ చిట్టి గుండె నొచ్చకుండ నచ్చచెప్పనా...

చిన్ని చిన్ని సంతోషాలెన్నో నీ చుట్టూ నేనే నుంచోబెట్టనా...
అల్లిబిల్లి ఆటలెన్నెన్నో నీతో ఆడి పాడి బజ్జోబెట్టనా....
చుక్కలన్నీ చూస్తూ ఉండగా నీకు చక్కనైన కధలు చెప్పనా...
నీ తీపి తీపి మాటలన్నింటా ఎంతో కరుణే దాగే దారి చూడనా....